19 Oktober 2021

Bongka! Sia Sabananyo Audy Joinaldy?

Dr (Cand) Audy Joinaldy Datuak Rajo Pasisie Alam.


PADANG – Mungkin banyak masyarakaik nan alun tau bana sia Audy Joinaldy, yang akhir – akhir ko cukuik populer di media massa, media sosial dan banyak baliho e tapampang dijalan – jalan utama dan pelosok Sumatera Baraiak.

Dalam berita Minang kali ko, Redaksi Persada Post akan mambongka sia sabana e Audy Joinaldy ko. Dima baliau lahie dan baa kisah hiduik e.

 

Partamo, Tantang Keluarga

Laki – laki banamo lengkap Dr (cand). Ir. Audy Joinaldy, S.Pt, M.Sc, M.M, IPM, ASEAN.Eng, marupokan anak partamo dari pasangan Joinerri Kahar yang bakampuang di Kota Padang dan Desmilia dari Solok.

Audy, baitu sahari – hari disapo, babini dengan seorang gadih banamo dr. Fitria Amalia Umar, Sp.KK, M.Kes, tanggal 11 November 2007. Bini e tu adolah tamatan dokter dan marupokan alumni Universitas Indonesia (UI).

Kini bini e batugaih sebagai dokter spesialis kulik dan kelamin di babarapo rumah sakik di Jakarta. Tapi tanyato, bini e tu adolah katurunan Arab.

Dari kaduonyo, lahie lah 3 urang anak, yakni; Jannaisya Aufilia Joinaldy (Naisya-11), Zafransya Aulia Joinaldy (Zafran-6) dan Zadrinsya Aufal Joinaldy (Zadrin-3). Katigo anak mereka itu, basikolah di Al-Azhar Pusat, sebuah sekolah Islam Terpadu nan sangaiak terkenal pendidikan Islam e.

Untuak diketahui pulo, Audy bakakak baradiak, yang hanyo 3 orang, sado alah e laki – laki. Anak laki – laki kaduo dari Joinerri Kahar dan Desmilia setelah Audy banamo Kompol Joinaldo, S.H, S.IK, M.H, M.IK dan saaik kini batughai di Mabes Polri (berarti adiak patamo Audy). Joinaldo manikah samo Jessica Sadikin dan alah baranak duo urang  laki – laki; Jarga dan Jeidhan.

Kamudian, adiak kanduang kaduo Audy adolah Joifadi, S.E, B.Sc, samo dengan Audy, inyo juo pengusaha dan alumnus Universitas Indonesia (UI) dan Groninegn Belanda. Kini Joifadi sadang manampuah pendidikan Magister di Institut Teknologi Bandung (ITB) Business School.

 

Kaduo, Audy itu urang Minang!

Walaupun lahie dari keluarga nan sangaiak sederhana, namun Ayah Audy punyo sumangaiak nan tinggi. Ayah e tu memang indak parnah manamaikkan pendidikan tingginyo dek sabab hiduik di rantau urang, dari nol. Panah kuliah di Institut Pertanian Bogor (IPB), tapi indak tamaaik, dek karano kondisi ekonomi ayah e tadi tu.

Mangko, Audy ingin bana melanjutkan mimpi ayah e, tamaiak di IPB. Sajak SMA niaik Audy, lah kuaiak untuk mewujudkan mimpi dan pendidikan ayah nan indak sampai tu.

Pado maso itu, ayah Audy, nan asli urang Padang tu, bakarajo sebagai pengusaha ketek sajo, nan pantiang bini dan anak e hiduik dan bisa basikolah. Nan sadiah e, panah suatu kutiko, saat Audy masih sikolah dasar (SD), ayah e panah maminjam  pitih ka dunsanak e, supayo anak e tu tatap sikolah, baitu susah bana kondisi ekonomi mereka bakaluarga saaik tu.

Memang sajak dahulu, sabagaimano anak e nan basikolah kini ko sado alah e, Audy dari mulai SD – SMA alah basikolah di Al – Azhar Pusat, Kebayoran Baru.

Samantaro itu, Angku (kakek buyut) Audy banamo Marah Adin. Angku e tu panah manjabaiak Kapalo Dinaih Pertanian Sumatera Tegah. Angku e tu juo marupokan pandiri  Fakultas Pertanian Universitas Andalas (UNAND) dan dipicayo sebagai Acting Dekan saat pandiriannyo.

Nan indak kalah pantiang e, Angku e tu tanyato adolah pandiri Kota Solok dan dipicayo sebagai Ketua Pembantukan Kota Solok. Mako, wajar sajo kini ko namo Marah Adin, manjadi salah satu namo jalan di Kota Solok dan juo di Kota Payakumbuah.

Marah Adin mampunyoi anak padusi banamo Aisyah, cikal bakal anduang (nenek) dari pihak induak e. Audy memang indak panah basobok samo anduang e tu, sabab sabalun Audy lahie, anduang e tu lah maningga. Samantaro, induak (ibu) kanduang Audy adolah anak kalimo dari Aisyah.

Marah Adin sempat hadir di pernikahan cucu e (induak Audy), pado tahun 1982 dan setahun setelah itu (1983) baliau maningga. Batapatan tahun itu juo (1983) Audy pun lahie ka duya.

Seakan – akan lahie e Audy kaduya ko, menjadi partando, Allah SWT; alah mamparsiapkan sosok pengganti Marah Adin, bajuang mangumbalikan kejayaan pertanian di Sumatera Baraik (Sumbar), sebagaimano nan dilakukan e dulu.

Maniangko (Almarhum) H. Marah Adin bagala Datuk Penghulu Sati, lahie di Sumagek Aro IV Korong, Solok tanggal 24 Juli 1898. Di dunia karier, terakhir Pensiunan Inspektur Pertanian/ Kepala Dinas Pertanian Rakyat Provinsi Sumatera Tengah

Dan, Marah Adin panah basikolah di; Inlasch School der Klasse I/II di Solok (1904-1905), Inlasch School der Klasse III/IV di Sawah Lunto (1905-1908), Sekolah Europeshce Lagere School (Sekolah Rendah Barat) di Sawahlunto dan Solok (1909-1915) dan juo Middlebare Landbouw School (MLS) setingkat SPP SPMA di Bogor (1915-1921).

Jadi, apokah dunsanak ka ragu juo Audy bukan urang Minang? Sebagaimano kaba maleset nan bakambang akhie – akhie ko, dek karano Audy ka maju calon Wakie Gubernur Pemilihan Kepala Daerah (Pilkada) Sumbatera Barat untuk mandampingi Mahyeldi (Walikota ) Padang sebagai calon Gubernur e.

Tantu sado alah nan ditarangan di ateh tadi, cukuik manjalehkan jati diri Audy sabana e sebagai urang Minang, nan kini pulo lah bagala Datuak Rajo Pasisie Alam, nan dilewakan alun lamo ko di Solok.

 

Katigo, Baa Pendidikan Audy?

Sederet bangku sikolah nan diikuti dek Audy, panjang e basalah – salahan. Dari mulai Taman Kanak – Kanak (TK), Audy basikolah di Jakarta. Barikuik janjang pendidikan e: TK Islam Al-Azhar Kemandoran (Tahun 1987-1989), SD Islam Al-Azhar Pusat (Tahun 1989-1995), SMP Islam Al-Azhar Pusat (Tahun 1995-1998), SMA Islam Al-Azhar Pusat (Tahun 1998-2001).

Sataruih e; Fakultas Peternakan Institut Pertanian Bogor (Tahun 2001-2005), Wageningen University (Tahun 2005-2007), Magister Manajemen Universitas Hasanuddin (Tahun 2010-2012), Sekolah Bisnis Institut Pertanian Bogor (Tahun 2017- hinggo kini), Profesi Insyinyur Peternakan Universitas Gadjah Mada (Tahun 2018-2019), Insyinyur Profesional (PII) Tahun 2019, Asean Engineering (AFEO) Tahun 2019.

Salaian panjang e janjang pandidikan Audy, baliau hobby pulo barorganisasi, barikuik pulo organisasi nan diikuikkan e; Tahun 2001-2002 Kepala Divisi Kewirausahaan BEM TPB IPB, Tahun 2005-2006 Presiden Persatuan Pelajar Indonesia (PPI) Wageningen Netherlands, Tahun 2017-2021 Bapak Asuh Futsal IPB

2017-sekarang Kader DPP PPP, Tahun 2018-2022 Ketua Umum Himpunan Alumni Fakultas Peternakan IPB, Tahun 2019-2019 Wakil SekJend 2 Saudagar Minang Raya, Tahun 2019-2021 Dosen Industri Fakultas Peternakan UGM, Tahun 2019-2021 Anggota Tim Bisnis Saudagar Minang Raya.

Kamudian, Tahun 2019-2023 Wakil Ketua Umum Perhimpunan Alumni Pelajar Mahasiswa Minang (PAPMM), Tahun 2019-2024 Wakil Ketua Bidang Hubungan Antar Lembaga dan Hubungan Masyarakat Dewan Pengurus Pusat Pinsar Indonesia, Tahun 2019- sampai kini sebagai Anggota PII (Persatuan Insinyur Indonesia) “The Institution of Engineers Indonesia” dan Tahun 2019- hingga kini lo masih aktif sebagai Anggota AFEO “ASEAN Federation of Engineering Organisations”. (RPG Networks)

Sumber: www.audyjoinaldy.com