Jakarta – Persada Post | Indak bagha lamo lei, ughang Piaman akan baghalek gadang. Alek e nantun, banamo Musyawarah Besar (Mubes) VI (nan kaanam) PKDP (Persatuan Keluarga Daerah Piaman), yang rencananyo akan diadokan sajak 25 Februari 2023 hinggo 4 Maret 2023. Bantuak alek nan alah direncanakan itu, alah pulo disusun dek panitia e, tingga mangarajoan je lei.
Namo e organisasi (PKDP) tantu kalau lah Mubes, nan akan heboh itu adolah mamiliah sia Ketum (Ketua Umum) PKDP limo tahun kamuko (Periode 2023 – 2028). Alah banyak tokoh PKDP nan muncul ka calon Ketum DPP PKDP, diantaronyo: DR (Cand) Drs. Sutan Suardi Gutji, M.Pd, H. Markoni Kotto, SH, Letkol Laut Agus Rizal, H. Arisal Aziz, H. John Kennedy Aziz,SH, H. Yobana Samial, SH, M.Kn, Yuliandre Darwis,P.hD, H. Hasanuddin, dan banyak lai yang lainnyo.
Namun, diantaro namo – namo tasabuik ntu, namo Yobana Samial, cukuik manjadi perhatian. Baliau, kalaupun ndak tapiliah nanti sebagai Ketum DPP PKDP, malah siapapun nan tapiliah, Yobana Samial sangaik cocok untuak posisi Sekjend (Sekretaris Jenderal) DPP PKDP.
Alasan e diantaronyo; Yobana Samial adolah pemikir yang produktif, mampu mambuek program – program nasional yang jitu untuak PKDP. Bukti e, alun lamo dilantik sebagai Ketua DPW PKDP DKI Jakarta, alah banyak program nan beliau jalankan, contoh e memberdayakan ‘Pical Lele’, mambuek Aplikasi PKDP (e-commerce) dan kini sedang mempersiapkan rencana Islamic Center PKDP di Jakarta.
Arati e, nan namo e seorang sekjend/ sekretaris disebuah organisasi adolah tukang masak nan harus lihai (dapua organisasi) dan kayo dengan konsep, juo mampu manjalanan e, Yobana Samial sangaiak cocok dan punya kemampuan itu. Katiko ditanyo Redaksi Persada Post, terkait kelayakan e ntu, Yobana Samial ndak namuah banyak komentar, inyo hanyo menyerahkan pilihan e ka peserta Mubes VI PKDP nanti di Kota Padang.
“Itu tasarah dunsanak ambo je di Mubes VI. Mereka kan tau baa ambo. Tapi, kok iyo nandak gadang PKDP ko, nandak maju dan baprogram, kutiko ambo diminta, ambo tantu ndak buliah pulo manulak,” kecek Yobana Samial, ndak namuah banyak ngecek, Kamis (22/12/2022) tadi.
Walaupun demikian, saat kini di Group WhatsApp PKDP se Indonesia, namo Yobana Samial alah tersebar, diantaro beberapa namo tokoh Piaman (Kota Pariaman, Kabupaten Padang Pariaman dan sekitarnya), dalam bantuak sistem paket pemilihan, ateh ide Sutan Suardi Gutji, yang maadopsi Trias Politica; di Minangkabau lebih cocok dengan sistem Tigo Tungku Sajarangan, Tigo Tali Sapilin. Samo halnyo dengan fungsi; Niniak Mamak, Alim Ulama dan Cadiak Pandai.
Adopsi sistem itu, di nyatoan dek Sutan Suardi Gutji, pado susunan; Ketua Umum, Sekretaris Jenderal dan Bendahara Umum. Jadi, dipaketkan ciek – ciek, mulai dari dari Paket A, B, C, E dan sataruih e. Tingga dimasukkan namo – namo nan cocok dan bisa saling topang kamuko e, untuak manjalanan tanggungjawek e di DPP PKDP. (Rico AU Dato Panglima)
